പാലക്കാട്: ബെംഗളൂരു മലയാളികൾക്ക് ആശ്വാസ വാർത്തയുമായി ഇന്ത്യൻ റെയിൽവെ. ഓണത്തോടനുബന്ധിച്ചുള്ള തിരക്ക് കുറയ്ക്കാൻ ബെംഗളൂരു-തിരുവനന്തപുരം നോർത്ത് സ്പെഷ്യൽ ട്രെയിൻ (06523/06524) അനുവദിച്ചിരിക്കുകയാണ് റെയിൽവെ. ഓഗസ്റ്റ് 11 മുതൽ സെപ്റ്റംബർ 16 വരെ എല്ലാ തിങ്കളാഴ്ചയും വൈകിട്ട് 7.25-ന് ബെംഗളൂരുവിൽ നിന്ന് പുറപ്പെടുന്ന ട്രെയിൻ പിറ്റേന്ന് ഉച്ചക്ക് 1.15-ന് തിരുവനന്തപുരം നോർത്തിലെത്തും.
ഓഗസ്റ്റ് 12 മുതൽ സെപ്റ്റംബർ 16 വരെ എല്ലാ ചൊവ്വാഴ്ചയും ഉച്ചക്ക് 3.15-ന് തിരുവനന്തപുരം നോർത്തിൽ നിന്ന് ട്രെയിൻ പുറപ്പെടും. പിറ്റേദിവസം രാവിലെ 8.30-ന് ബെംഗളൂരുവിലെത്തും. കേരളത്തിൽ പാലക്കാട്, തൃശൂർ, ആലുവ, എറണാകുളം ടൗൺ, കോട്ടയം, ചങ്ങനാശ്ശേരി, തിരുവല്ല, ചെങ്ങന്നൂർ, മാവേലിക്കര, കായംകുളം ജങ്ഷൻ, കൊല്ലം, വർക്കല എന്നിവടങ്ങളിലാണ് സ്റ്റോപ്പുള്ളത്.
മറ്റ് സ്പെഷ്യൽ ട്രെയിനുകൾചെന്നൈ-കൊല്ലം, കൊല്ലം-ചെന്നൈ, മംഗളൂരു-തിരുവനന്തപുരം നോർത്ത് (കൊച്ചുവേളി), തിരുവനന്തപുരം നോർത്ത്-മംഗളൂരു, മംഗളൂരു-കൊല്ലം, കൊല്ലം -മംഗളൂരു റൂട്ടുകളിലായി ആകെ 28 സർവീസുകൾ നടത്തും.
Content Highlights: special trains in onam season